http://youtu.be/TSDBqPhb2Q8

【廁格風雲之重拾自信】林芊妤（Coffee）與上市集團公司董事林知譽（Will），上月被爆在ifc「廁格gathering」觸怒無綫被炒魷，事件擾攘近一個月，為了賺錢維持生活，Coffee決定開班教瑜伽，證明自己能屈能伸！

林芊妤本來與無綫簽了5年合約，今年12月才約滿，但因為上月的「廁格gathering」事件被無綫叮走，雖然無綫高調表示體恤Coffee的經濟狀況，會向她發放餘下6個月合約的薪金，但據知Coffee每月薪金只有4千元，要養全家，Coffee必須尋找其他出路，最終決定全職當瑜伽老師。Coffee日前親自向本報示範多個高難度瑜伽動作，她說：「其實早年已經考咗國際認可專業資格，都諗過好多次離開呢行（娛樂圈），只係一直決定唔到，今次嘅挫折，可以話幫我做咗決定。」


【金雞獨立】
■Coffee呢招金雞獨立看似簡單，但其實需要極強的柔韌度。
絕非設計或PS圖片


【一馬當先】
■Coffee提醒想學瑜伽的朋友必須找老師教，否則很易受傷。


【蠍子尾腳】
■瑜伽動作千變萬化，Coffee表示會應學生要求教授。

每堂收費1000元

Coffee輕而易舉做了多個高難度動作，腳放上膊頭，頭頂地，腳向天，現場觀看令人感覺神乎其技，其實因為她從小已經喜歡體操運動，身體特別柔軟，而且一直有勤於練習瑜伽，故輕易一次過考獲教練牌，她說：「我從小鍾意將手腳摺嚟摺去，學咗兩年瑜伽，喺2011年正式考到個牌，雖然係老師，但有一啲高難度嘅動作，都一定要好小心做，其實之前做頭倒立嘅動作，都試過喺完成動作時撞傷腰。」Coffee又透露，現在她教瑜伽每堂收1,000元，學生主要是返寫字樓的成年人，男女都有。不過，Coffee直言對演戲仍有興趣，有機會一定唔會放棄，但不會坐着等，她又說：「做人應該能屈能伸，而且教瑜伽可以幫我搵番自信，比之前開心好多。」


【頂地立天】
■這個頂地立天的倒立動作，功力少一點也做不到。


【能屈能伸】

哭訴廁內冇性行為

另外，昨日有雜誌刊登Coffee的專訪，她含淚重申：「我冇喺廁所同人發生性行為，嗰晚我飲醉至嘔，好唔舒服，佢帶咗我去廁所，之後佢錫我，咁我都鍾意佢，我啲聲音（呻吟）係好自然嘅反應！當時我已經意識到有人喺出面，嚇到醒晒，點知一開門係記者，係我諗唔到！」對於無綫高層暗示她炒作新聞，Coffee相當激氣，揚言沒有人會拿自己的家人及貞操去較飛。
採訪：小米
攝影：林德雄


【倒掛金籮】
■將上半身向下對摺成一直線，Coffee說很喜歡這個動作，覺得很優美。


【摺埋自己】

【星級教師】黃佩霞瑜伽導師佼佼者

Coffee離開無綫後，全身投身教瑜伽行列。講到圈中出色的瑜伽教師，具備瑜伽專業導師資格兼開辦瑜伽學校的黃佩霞可謂佼佼者，很多藝人也是她的學生，包括伍詠薇、周麗淇、周汶錡、蔡一智夫婦、張智霖等。而鍾麗淇及林德信也是出色的瑜伽導師。至於鍾欣潼、劉心悠、薛凱琪、應采兒及李嘉欣等藝人，同樣熱愛瑜伽這項運動。