泛民喺香港，全港商界基本歸晒邊，剩低只有肥黎贊助，根本唔係新聞。
相反，如果揭出竟然係董建華間東方海外國際航運公司贊助，才是大新聞。
肥黎係一名香港合法公民，捐款泛民，正如當年熱愛足球之霍英東捐錢俾愉園與香港足總，有何問題？
在法律地位之上，肥黎唔係張子強，與香港任何善長仁翁相同。
如果話，肥黎 D 錢，係 ClA 所過戶，咁就要有證據，唔係一犬吠影百犬吠聲、維園阿伯與鵝頸橋打小人式之農民大批判。
但霍英東當年 D 錢都係中國透過獨家貿易提供。
如果話收中國錢可以，收外國錢係不道德兼叛國，咁中共三十年代收史太林共產國際之經費，又點樣計？
除非索性打橫來講：共產黨當年直接收蘇聯錢，係愛國，而泛民透過肥黎收美國錢（在有證據支持之下），就係叛國。
但如果一國之高官，將國有財產貪番來據為己有，轉移去美國，咁係咪叛國呢？定係仲愛國，直到佢被査明係參與薄周政變而被習總王歧山雙規嗰個 Moment 為止？
香港係法治社會，如果有法例禁止美國政府捐錢俾香港議員，咁就可以炒該議員再補選。但冇法例禁止一個呌肥黎之香港合法公民直接捐錢或送錢俾議員。
唔鍾意這個捐款人，可以由張融發起罷買壹傳媒、罷點擊壹記動新聞，好似條氣唔順日本侵犯釣魚台（又名尖閣列島）而罷買日貨一樣，咁就有原則、有理性、有骨氣嘞。
PS 我討厭政治，不過講邏輯，而且我現時，睇英文同法文報紙居多。
[IMG]http://i.imgur.com/vZM7ElI.jpg[/IMG]