論外貌、身形、自信，我絶對係一個毒撚 論動漫知識，宅男都稱唔上。
係中二嘅時候，因為八卦女同學cosplay而去咗九展第一屆同人展，喺?個背景下，俾我嘅印象係只有BL同悶
但係今次灣仔匯展第一屆同人展又唔同感覺，睇到嘅嘢又唔同。
我行咗一圏，今次掃曬老番，轉而俾同人畫家賣手作產品。?個係讚 總好過樓下檔檔批發檔檔一樣。公仔模型又貴過出面，無謂。的確，樓下更係電玩多過動漫，加一個同人展中和下係好。
不過同人產品，我又麻麻。唯有睇下其他嘢。
見到有人喺版到畫畫，咁咪睇下。
人不可貌相，啱一半啦。我認我賤格，見到毒撚就諗住畫功好渣。但係之後佢嘅畫功令我錯愕，立即轉為佩服。可能係我多事，佢畫完之後我忍唔住上前表示敬佩。但係其他人就只繼續影相影佢嘅作品，冇理過佢而佢畫完就慢慢離去。唉






過一陣又班友喺到呼叫，原來有個叫水瀨祈嘅聲優喺到。

的確係好聽，聲優係唔同，聲甜唱歌好聽不過當時冇得拍攝，冇live影像分享。唯有放低link啦
https://www.youtube.com/watch?v=3ChQEOG1Az4
今日演唱嘅四首歌其中一首歌。
其中我都見到一班毒撚fans合拍咁fing螢光棒打氣，都可算奇境，香港人咁團結。
P.S.我係同類先直稱其他人毒撚，希望唔好介意
抱歉，內容太多字同文筆都1999，有感而發噏瘋