是咁的

問女神拎左個電話大大話話都成個月喇，諗返起都覺得自己大膽呀

呢一個月嚟我覺得都算係交談甚歡，雖然女神未有秒回我，但平時搵佢總算會回我，所以平時都會搵佢噓寒問暖

我：HI


女：HI


我：做緊咩？


女：C TV


我：好看嗎？


女：嗯


我：食左飯喇？


女：唔


我：你知唔知今個月新番好多野睇呀？暑假到喇，好多動畫商都出盡力谷呀


女：


我覺得女神都對我幾感興趣

話說今日屎忽痕諗到個１Ｑ題想考女神



我：問你一個１Ｑ題


女：１Ｑ？


我：打錯，係ＩＱ


女：


我：我問你，地球咩地方名最咸濕？


女：巴西


我：錯，但我喜歡你的斯路


女：斯路？


我：打錯，係思路


女：唔估啦，地球咁大


我：咁呀....咁我縮少範圍，係我地鄰近地區


女：你開估啦


我：係墾丁呀，因為狠狠咁丁呀，哈哈哈哈，係咪好好笑呢





跟住我見女神係typing，之後冇左，由九點到而家都冇再回我喇

點算呀,我hi左佢幾次都冇回

女神係咪嫌我個笑話太色情嬲左我呀，各位我應該點做呀？？

我應唔應該買野送俾女神賠罪呀？同埋買咩好呀

利申：唔好太貴，一星期得五十蚊零用