「今天是我有生之年，最驚喜的一天。」這一天係7月28日，《盛女》Mandy宣佈佢真係要嫁《求愛》阿Guy喇！

上月15日《盛女》Suki同任職保險經紀嘅高大威猛男友Zion共偕連理，Suki好姊妹Mandy都有去觀禮，男朋友阿佳亦有到賀。當時大家都諗緊下一pair係咪佢哋，果然係喇!恭喜恭喜!

其實Mandy同阿佳明明係兩個唔同節目嘅人，一個盛女一個求愛，點知一crossover，阿佳即刻馬上拿拿聲俾Mandy氣質同外表吸引(新聞連結: http://bit.ly/1nVVpLY )半年後，阿佳即急不及待喺facebook到貼咗同Mandy嘅泳衣相，Mandy著住三點式大晒均勻身材，令人噴血。兩口子亦已經以老公老婆相稱，似是亦已展開同居生活，但原來阿佳未求婚0架？

噚晚《盛女》Mandy親撰長文報喜，感動之情溢於言表，Mandy話:「今天是我有生之年，最驚喜的一天。青蛙王子於兩星期前開始步署 說今天會返他家吃飯，所以今天很hea (連妝也沒化過) 還特地說明晚我們一周年會跟我求婚。

「回到他家時，一連串的驚喜開始了，原來他每天説有公事，便是秘密為我準備這個Lego，求婚驚喜!他説:『老婆，嫁給我吧!』 (梁博士，你的Tense好像不對，哈哈!

「我感動得落淚，收花收戒指當然高興，但是遠遠不及一個肯為你花心思的男人。遇到了，絕對不能錯過。Guy Leung 謝謝你 嫁給你是我人生最正確的決定。」so冧！祝福一對璧人幸福快樂！


恭喜恭喜!

《盛女》Mandy感言


阿佳求婚成功，更於fb同大家分享佢嘅求婚心思



呢個就係阿佳晚晚同Mandy講有嘢做，原來靜雞雞做嘅求婚LEGO陣。