是咁的

話說今日係七夕，作為好男人既我梗係要同女朋友好好慶祝架啦

咁我今日都安排好哂行程，上午同佢行山，晚上同佢食飯加送禮物

今日行山，行行下落大雨，成腳泥，女友腳色都唔係幾好睇

點知又出返太陽，水氣一蒸上來熱到抽筋，令佢塊面更黑！該死的天！

咁作為都市醒目男既的梗係要喺下一場度扳回一城

咁我當然有好好準備好食晚餐既野啦

我帶左佢去樓下翠華食，但係佢面色依然都冇好轉，女人心真係難觸摸

咁我唯有出殺手鐧啦

我喺背後抽出一紥花

佢表情： -> ->

但不久，佢表情： ->

佢破口大罵：有冇搞錯呀？送膠花？

我：真花會變，膠花代表我的愛－永恆不變嘛

我補多句：同埋....環保呀嘛....（我苦笑）

條女怒不可遏：環保？環你老母，留返嚟拜你阿媽啦)

條女馬上衝返上佢屋企，我追出去，但係唔肯開門俾我

我唯有去佢樓下嗌佢，求佢原諒

我喺佢樓下放聲唱情歌：冷冷雨　Wo……　沒焦點因找不到你

我淨係見到佢個窗關左，其他低層住戶破口大罵話再鳩叫報警.....

點解而家D人冇D同理心

我而家係條女樓下淋住雨，個心好亂，到底我做錯乜野呀.......

有冇人可以話我聽點做