根據「內務投票 - 有關內務長直接BAM人」
http://hkgalden.com/view/171764/page/1/highlight/
Option 3其實都算跑咗出嚟..

依家不如集中討論一下哩兩樣野
[list]
[*]「聯署」嘅詳情
[*]「上訴公投」嘅詳情
[/list]

首先睇睇官方嘅提議:

管理團隊提議的「聯署」方式（只供參考）：
當有會員被封鎖後，任何其他會員可於自封鎖起24小時內發表「聯署帖」。
帖內應盡量交代案情，並提供上訴理由。
若「聯署帖」於自發帖起24小時內取得最少20名會員留言和議，即通過聯署。

管理團隊提議的「上訴公投」方式（只供參考）：
由內務長或會員發起「上訴公投帖」。
帖內應盡量交代案情。
公投以正負評方式進行，以正評表示「支持解封」；負評表示「反對解封」。
於發後後24小時內的任何時間，正評數目大於總票數的三分之二，且正評數目不少於50，上訴公投通過。

簡單D講, 即係:
[#ff0011]24小時內搵夠20個人聯署(留言和議), 之後MOD開上訴公投, 有24小時投票時間, 正評達66.7%就通過, 可以解封[/#ff0011]

計一計, 即係最快可以喺被告被BAM後48小時解封
========================================================================
大家對哩兩重程序有唔同見解

有人覺得太難通過:
20人留言聯署, 其實已經一定程度上避免「有忍者悄悄地亂投票, 又唔知乜水」嘅情況, 20人嘅門檻亦應該足以避免「次次BAM人都要公投」嘅情況。
所以, 以「正評大於負評」其實已經足夠
太難通過嘅話, 反而可能出現「點都上訴唔到」嘅情況

有人覺得可以將通過難度再set高D:
近排大家一直就「BAM人」嘅問題咁多爭拗, 好大程度係因為執法者嘅權力太細,
搞到變成好似「有法施不得」咁, 所以依家先增加內務者嘅權力, 提升返執法效率
如果太易「上訴」, 可能又會出現「次次BAM完人都被人上訴脫罪」嘅情況
另外, 如果通過難度夠高, 好可能可以減低D人「係唔係都上訴」嘅意欲
=============================================================================
希望大家可以講下你嘅睇法

老老實實, 如果我地自己唔傾, 自己唔嘗試共識, 就真係難為咗ADMIN架姐
如果佢自己話事, 又會俾人話獨裁, 唔聽民意, 唔咨詢..
如果佢開投票, 又話投到2046... 投完票之後揀咗高票嗰樣, 又會俾人話「多數人暴政」......
真係點做都死
其實哩D事務真係唔係「有冇主見」嘅問題,
話就話個FORUM係ADMIN架姐, 但係, 用家始終都係我地喎
ADMIN嘅每一步, 當然對我地有影響, 珍惜下自己權利啦