睇完黃榕最新寫真集，無論你是否有衝動……都請睇埋落去。因為睇完之後，會令人更有衝動……肯定。

今日黃榕以一身唔性感打扮，殺入會展谷寫真。可能驚俾主辦單位趕，所以黃榕都好低調，唔搞簽名會，亦似乎唔係好想傳媒影相咁。

黃榕話，今次寫真集印咗一萬本，每日拎五六百本落嚟賣，都賣晒。佢仲話諗住同綠魔Karl周六日一齊去旺角舉行簽名會，但佢又話:「Karl星期六又話唔得閒，又要就番劉老闆李老闆，所以應該係星期日舉行。」佢仲預告謂當日打扮會性感得多，仲話諗住買一套綠色泳衣俾綠魔，到時著住一齊跳Gwiyomi。

0依家轉攻內地市場嘅黃榕，成日北上落夜場開騷冧客，所以儲落好多內地客。佢話:「好多內地客想買我本寫真，一箱箱買，每箱有40本。」之前內地客都係因為佢次次北上「開騷」都係用「陳冠希緋聞女友」(正名係「EDC永遠榮譽女友」)個名吸客，依家唔使喇，全靠當日佢肯「脫」——「就係因為上年書展慶功宴，我除底褲送俾fans，好多客戶都有留意，仲話好經典。」既然係咁，黃榕不如諗吓長駐內地發展啦。