我就唔相信可以列到清清楚楚全無灰色地帶嘅
但有D野，自己要識得醒水啦
諗後一層，點解bam圖會係bam圖？
因為會影響到多數人囉，因為人地唔expect你post哩D圖囉，唔想無啦啦彈出嚟囉

至於邊D圖係會影響到人
喂，幾歲呀
例如呀媽教你唔好對住人打乞嗤
你會唔會問「幾多米之內先算對住人？角度偏差咗10°仲算唔算對住人？如果中間隔咗塊透明玻璃又點計？」
「驚影響人就掩住個口啦傻仔！」

嗰D所謂灰色地帶嘅圖
例如奶男人粒lin、顏射、露點畫像、袋底、冇露點嘅性交圖片......
喂，就算版規冇話唔俾貼，但你自己都應該醒水啦
貼link囉
貼link，並唔係為咗令自己行為符合版規，而係自律地唔想影響到人
就好似有D人開post會加[慎入]咁
大家做咗咁多年人，上咗咁多年網，有D野在心中啦

版規，老老實實，係整嚟規限住D唔識自律或者冇腦或者玩野嘅人
對正常user嚟講，大概知道有D咩特別野係唔做得，例如有D forum唔俾講粗口咁，已經足夠
好地地根本唔會踩到嗰D灰色地帶，仲有你嘅intention係玩野定唔小心，正常人都睇得出
更加冇理由去刻意試條底線

喺膠登，你有幾可見過有正常user，喺唔玩野/唔刻意自爆嘅情況下被bam或者幾乎被bam?

幾歲呀，仲反叛期咩
自律係互相尊重嘅默契嚟
唔好咁mk啦