http://youtu.be/yQ6xHRlTqgQ

今年已經76歲嘅大名娛樂老闆林建名（大少），最近為咗同何傲兒呢段「爺孫戀」而兩度流眼淚，結果梗係成為一時嘅佳話，不過話晒大少食鹽多過你食米，轉個頭抹乾啲眼淚又拖長髮新女到九展睇騷示威！噚日大少喺周刊訪問再講番自己嘅性史，自爆有好多性伴侶，17歲嗰年喺巴黎失身之後，跟住展開佢嘅瘋狂性史，好似試過喺英國同一個模特兒維持三年有性冇愛生活，又試過喺丹麥玩3P，兼且又上過飛鵝山車震，計計埋埋都有過千人！不過，話晒歲月催人，所以大少都認間唔中要食偉哥增強表現，仲話：「持久力冇問題，總之呢啲對我係一種運動，可以日日做，又可以忍住一個月唔做！」


■林建名喺周刊自爆有食偉哥，坦白程度認真驚人！資料圖片

揀女要波大冇腦

大少更暢談擇偶條件，佢要25歲以下、單身、上圍有料、長頭髮同非智慧型，?家有幾名女友，有一個交往咗4年。對於周刊爆大少有台灣女友，佢噚日透過電話回應話：「封面嗰個？唔係呀，冇見啦！（分咗手？）係呀！（咁?家有幾多個女朋友呢？）唔得閒數。（之前同你去睇中川翔子演唱會嘅婷婷呢？）都係女朋友。」
撰文：馮仁昭


■大少與何傲兒嘅「爺孫戀」告一段落，不過大少又爆同女方爸爸仲有偈傾！資料圖片