http://youtu.be/ZLG8NbPwbyA

今日七月又十四盂蘭鬼節，無事出街少撞鬼。鬼，可以是驚心動魄聳人聽聞，魑魅魍魎又可以變成生財工具，從海洋公園每年的鬼佬鬼節，搞得有聲有色就知。回看當年一代鬼王雷宇揚借靈異先後在廣播、電影及網上打響名堂，掘出人生第一桶大金。俱往矣，鬼王退位在廣州娶了靚女主播、搞飲食業，每日以湊仔為樂。
舊鬼王去新鬼王出，先有潘紹聰以月費計劃聽鬼故《恐怖在線》賺個滿缽，再拍成同名電影贏到盡；挑戰者有「洗米華」梁思浩，別開生面裝app聽鬼故，同樣殺出血路靠靈異搵食。
採訪：何永寧

退役鬼王雷宇揚　進軍內地飲食界

多得當年王維基在科網時代的靈異節目，造就雷宇揚成為鬼王，不過一代鬼王現已退役。
現年50歲的雷宇揚日前在廣州旗下的餐廳接受訪問，他笑言現在講靈異故事出名的DJ路芙也是由他帶出身：「嗰時問唱片公司朋友有乜人介紹報交通天氣，因為要個盡責嘅，嗰位朋友話『呢個啦，8號風球都返工』，咪請咗佢講到?家。」至於風水師李丞責亦是拍了雷宇揚的電影《行運秘笈》後成名，靠靈異起家卻不信有鬼，他說：「我唔信有鬼、唔信有風水、唔信有大師。我?家唔想再拍鬼片，拍得太多。」

留內地落地生根

一早靠鬼起家，自言搵了「很大桶金」，今日已經跟「鬼」絕緣，從事風馬牛不相及的飲食業，在廣州先後開了兩間餐廳之外，更重要是娶了內地主播馬荔，去年囝囝雷庭出世令他更加沒有時間拍電影，更莫講鬼片：「我已經講鬼故講到厭，推咗好多。之前都係機緣巧合拍咗彭浩翔套《低俗喜劇》，?家得閒都係接吓啲樓盤司儀做，平均一年有三分之一時間去咗內地做司儀，足迹遍及上海、福建、新疆一帶都有。」
講到從事飲食業生意是因為自己為食，他說：「第一因為鍾意食又唔想做pub& bar成日飲，其次喺成班朋友有地方可以聚腳傾偈，而最重要梗係可以成日見到個細路啦。?家同班朋友一齊都係講湊仔經，大家行埋都係講入學校讀書嘅嘢。」目前囝囝未夠一歲，正在上內地的早教班，即香港人的playgroup，他笑說：「本來唔想個仔咁早讀書，不過返咗早教班之後，真係爬都爬得快啲。不過我都係決定唔畀個仔返香港讀書，香港亂晒籠，成個政治都係咁。」


■雷宇揚在廣州越秀區投資的菜館，以粵菜作賣點。


■當日的鬼王今日有子萬事足，一家三口樂也融融。


買樓勁賺數百萬

阿雷名為翎萳小廚的粵菜館位於廣州天河區，地段的熱鬧程度就如同香港的蘭桂坊，他說：「之前同班朋友喺越秀區開咗間港式茶餐廳，30、40蚊有交易，但估唔到生意咁好。大陸人好鍾意港式餐廳，咁咪開多間中價啲嘅粵菜館，仲喺試業階段。呢度位置好，寫字樓為主，人流多，最好就係呢度行返屋企唔使十分鐘，方便每日返去同個仔玩，囝囝仲未夠一歲。」原本已經在廣州置業的他，在太太懷孕期間再在附近買了一層較大面積的單位，未入伙市價已升到差不多1,000萬港幣，升值一半有多。
採訪：何永寧
攝影：沈健程

鬼王之路：人稱鬼才瓣瓣掂

50歲的雷宇揚如何踏上鬼王之路？88年在大台藝員訓練班畢業後，一直半紅不黑，不久便轉戰電影圈。在90年代雷宇揚一口氣拍了一系列以鬼為題材的電影《陰陽路》，單拍鬼片已有十多部，自此步入鬼王之路。雷宇揚亦是電台DJ、作家、節目主持人、編劇及網頁主持，在電台主持鬼節目時，也推出過不少鬼故事內容的書，被人稱為「鬼才」。
雷宇揚也主持過不少與靈界有關的節目，如電視節目《怪談》以及電台節目《靈幻搜奇》等。至於鬼王稱號的由來？雷宇揚解釋當年科網潮，為王維基的網上靈異節目擔任主持，登報宣傳時，以「鬼王」來稱呼他，自此鬼王不脛而走。另一說法是雷宇揚經常主演鬼片被影迷們稱為「鬼王」。