我一直都唔鐘意自己中文名
有D情況人地問我叫咩名，我都會覺得唔好意思講

點解？
首先，係因為老套..
一睇我個名就覺得係老豆老母冇讀過大學
(actually 係阿爺改..)
雖然未至於「李三妹」「陳大吉」「黃好」咁樣
但都真係好老套
大概係「陳家明」嗰個level

另外，就係好濫，
你知啦，中小學好興叫人全名架嘛
以前返學/lunch食飯，成日都聽到有人嗌我個名，但唔係嗌我..

仲有，就係讀音唔好聽
我個姓嘅讀音係平聲嘅
但成個名係「平平仄」
讀出嚟唔鏗鏘，冇抑揚頓挫，霸氣盡失
再者，講風水命理都係平仄唔協調
不過應該係因為阿爺唔識廣東話..

個人冇自信自然諸事不順
所以我十七歲就打算十八歲拎身份證順便改名
手續方面都大概了解過
我仲特登買咗嗰D風水改名書
參考咗各種改名應該注意嘅事項
終於叫做有咗結論

去到差唔多時候，我諗住都係時候要上律師樓搞手續
點知我老豆先嚟反對......
反對嘅理由我已經唔記得咗...

就係咁，直到今日我都仲用緊個柒名..
不過唔知係咪因為中學畢業之後就冇乜人會叫人全名呢
依家我對自己個名又冇以前覺得咁厭惡
雖然都會唔想人知..唔想人叫..

算唔算遺憾呢
我都唔知
如果嗰陣我改咗名，今日我會有咩轉變呢..
照現今狀況嚟睇，其實又好似真係冇乜影響
除咗去D counter辦手續，好似都冇乜機會會用上中文全名..even係我女友 都從來未叫過我中文名，一次都冇..

嗯，無啦啦諗起
唔關膠登事，切勿過份解讀