咁呀近幾排有一位歌手吖，咁呀…13歲嘅歌手，已經被某一啲傳媒大肆報道，

咁呀報道方面就…大家持有唔同態度嘅。
即係亦都有唔同嘅出發點去報道佢，

咁佢就叫做…一個（忍笑）亞洲神童張如城，咁呀（笑）我就唔係好清楚個實質故事係咩，報道就淨係只係話佢好細個已經唱歌嘞。

咁佢老師呢就…好正嘅，佢老師着住件底衫物體，揸住罐可樂好似漁夫咁嘅直情，好正嘅；佢就話：『仔，唱得好！』（忍笑）呀張如城就成日都喺大陸演唱，就被封以『亞洲神童』嘅稱號！

咁呀…（忍笑）我淨係知道呢…（忍笑）隻碟出面街呢，聽聞就賣六十幾蚊嘅，得兩隻歌㗎啫，威過晒你嗰啲容祖兒呀，劉德華呀…六十幾蚊兩隻歌喎你諗下？

佢又實力派歌手，唔送嘢，唔送嗰啲（忍笑）咩電話繩呀，唔送！唔送潤膚膏，唔送禮品券！唔好講笑！

（《愛意》前奏徐徐響起）大家好嘛，張如城！為香港高歌！嘻嘻！夜晚電視有無見到佢？唔唔好笑所有一切，呢啲叫：獨立創作！