落到樓下先知落雨，我無帶遮，好傍偟無助之際，
有個目測有180cm嘅靚仔問我係咪無帶遮，我靦腆咁話係。
個靚仔話我唔止有遮，仲有車，不如我送你返屋企丫。
我話曬都係良家婦女，點可以隨便俾人知我地址。
我就話反正我有車牌，你俾條車匙我，我自己揸返屋企得啦。
靚仔好爽快咁將鎖匙同遮遞俾我。
我接咗鎖匙同遮，對靚仔微微一笑，輕聲道謝，就頭也不回去停車場攞車。
去到停車場，我發現靚仔借俾我嗰㗎係貨櫃車，我無大車牌。
請問我可以點做？