話說啱啱喺金鐘地鐵站嘅月台，
大量乘客由往上環嘅列車落車，步行至對面嘅月台轉乘往荃灣嘅列車
而我，都係其中之一

我行行下，隱約聽到跌野落地嘅聲
而我前方嘅地面的確有條疑似係綁頭髮用嘅小飾物

我一貫「厚多士」嘅作風，衝上前執起佢
目測應該係十蚊店/淘寶買嘅
再憑剛才跌落地嘅聲響
我推測物主應該仲喺三米距離內
我立即鎖定咗一個目標人物
我上前問「小姐，係咪你跌咗野？」

目測佢身高大約一米六
普通文職女人
年齡大約25～30
佢接過失物時面上並無特別表情
只係平淡地「嗯，唔該」

之後，佢就一路企喺原地，甚至好似有少少「掉頭」嘅打算
作為陌生人，我都唔方便一路望住佢，以免令佢誤會
我繼續向前行..
大約三秒之後，我終於望返轉頭
佢消失咗

我唔明