見到民主黨派咗張野，內容係講咩係真普選同點解要佔中
我就梗係Very short of course read架啦
但d阿婆又點會慢慢同你睇呢
亦可能想睇都睇唔到，又或者睇到都睇唔明

首先就有個阿婆，講野都講唔正嗰種，我要好辛苦先知佢講乜
張野上面有幅漫畫，係諷刺假普選會俾狼同獅子你自己揀
個阿婆望咗幾眼，指住隻獅子，佢問我「哩隻係咪貓仔呀？佢做咩呀？」
我只好答佢「哩隻獅子嚟架，哩張野叫你支持真普選呀」
我知道，就算我慢慢解釋佢都唔會明我講乜

之後有幾個阿嬸／師奶，我靜心地聽佢地講野
「咦？！哩張咩嚟架？」
「咪又係咩佔中呀，咩普選呀嗰d囉」
「咦.. 你睇下人地外國幾亂，我地哩度幾太平吖，仲成日搞搞震做咩吖，依家咁樣咪幾好」

老老實實，依家不論係年輕人、老年人、知識份子、廢青、師奶、文盲..都係擁有同等嘅一票
我覺得只有喺差唔多廿年之後，由知識份子dominate哩個社會，肅清垃圾，咁先會有個稍為理想嘅公民社會..

最後，我再一次希望各位善用同珍惜自己個腦，
唔好俾自己墜落，唔好萬事wfc..食花生..tldr..
否則，就算2017年有真普選＋廢除功能組別都好啦，過多三四十年，阻住地球轉嘅垃圾就係我地