https://www.youtube.com/watch?v=xLrMcCmccPU
(請開住歌睇下文)
(好似係會感動啲)
(好似係)
講真 難得大家係網上聚埋一齊
咪拋開現實既煩惱 吹下水 傾下計
你話要完全0罵戰
好坦白講 無可能
但係兩邊都各執己詞 無證據證明對面係5p阿乜阿咁
而又無辦法解決到件事
(雖然我唔知你地點解決啦 可能屌走對家 可能要對家道歉 我唔知)
咁不如就停火 當輕輕鬆鬆上下網咪算囉

我唔知你地點睇啦
我就覺得 得閒睇下琴仔同其他人吵嘴 都算係一種樂趣
起碼有時真係可以笑下 放鬆下
現實已經咁大壓力 上網都要搞到查家宅咁 為乜?
原本613一齊黎既巴打 相信都有同一個信念
為左啲口同鼻拗既爭執搞到成個膠登好似分裂哂咁
「嘩 洗唔洗阿」

以前我鐘意上吹水台 好少會搵特定既post/台睇
希望可以認識多啲巴打 睇多啲唔同既post
但唔知幾時開始 我上膠登第一時間只係click遊戲台
起碼每次入去都唔洗見到幾個罵戰post置頂
起碼每次入post都有一班一齊打機happy既巴打

我唔知打呢堆字既意義係乜啦
可能只係想抒發感受 可能只係想9up
你可以話我想上位 話我扮中立
我無所謂 亦唔會介意
但我希望 至少你聽完首歌 真係
可以感受下自己仍然活著既感覺
望下窗外面 企起身舒展下身體
再諗下 你仲有無需要繼續再鬧落去啦

Too long don't read