http://hk.apple.nextmedia.com/realtime/news/20140831/52850176

的士司機拒載乘客的情況不時發生，但即使司機首肯接客，也可能與乘客引起糾紛。近日一條的士司機與西貢居民在車上對質的片段，在網上熱傳，並惹起激烈討論。不少網民認為司機態度差，即使不願接載短途客，亦不應開口抱怨對方，但亦有不少人認為拍片的女乘客，抱著「有錢大哂」的心態，司機只是多言。

片段全長近6分鐘，錄下一對西貢夫婦上周日與的士司機在車上的爭拗。據女乘客表示，當晚她的丈夫在西貢碼頭的新界的士站等候，但一直很少車前來，結果轉排市區的士站，仍等候半小時才能上車，但當司機得悉夫婦2人只是區內客，收費僅$55，並非前往九龍等長途客，便開始語帶埋怨，「你知道星期六日係咁，應該一早出市區，唔好留喺西貢，因為根本冇車會載你。」

女乘客不滿司機抱怨，與對方理論，指過往多次在周六日乘市區的士回家，司機都沒有埋怨，認為是對方態度有問題，司機則解釋：「根本冇行家鍾意做陀地客（區內客），咁樣做壞哂行規，佢哋唔出聲，我而家係點醒你，想大家識做啲。」女乘客叫丈夫揚言報警，司機則稱他沒有拒載等犯法行為，不會害怕。

片段周四晚上載至一facebook專頁，但連日引起網民化身道德判官。不少網民都支持2夫婦，認為司機態度欠佳，抱怨太多，「支支旗去機場咩」、「畀生意你做仲咁多嗲」。有人亦認為每逢假日，不乏遊客來往西貢和市區，司機或非「空車」入西貢，加上新界的士缺車，認為對方在區內多載幾程短途客，其實更好賺。

但這「多口」司機亦不乏網民支持，認為2夫婦前往西貢區內，不應乘搭市區的士，「洗少少錢以為自己係皇帝，比強國人更強國人」。部分網民則各打五十大板，認為2夫婦和司機都沒有將心比己，雙方應「一人少句」。

【網民點睇】
Chan Koey：香港人以為洗少少錢以為自己係皇帝。你排唔到綠的，就係要攪架紅的，規矩的確係司機要車你去，但阻人搵食仲要理直氣壯，嗰吓反胃，真係比強國人更強國人

Wai Kit Choi：請搞清楚紅綠的嘅分別，唔係你話邊邊易截車，上得車有錢畀就係你啱晒，新界去新界唔該你死番去綠的條隊

Bono Poon：食得鹹魚抵得渴，好多的士佬又嫌路程短，又嫌塞車，又要就佢交更，不如怪吓馬會點解唔開個六合彩畀你中

Chris Ho：短途嫌錢少，過海唔識路，支支旗80蚊保証唔塞車冇燈位先上你車好唔好？咁鍾意揀客去渣街車囉，睇住個App任你揀呀

Cheuk Yin：呢啲的士佬只識做大旗，55蚊Keep住做，不知幾好

Daniel Lo：畀生意你做仲咁多嗲！

Micheal Cheong：講來講去也不是要載？

Ronald Li：而家你做司機定做大爺丫？人地係客嚟

Kwan Fu Him：市區的士站唔係只可以出市區，市區的士可以在此接載乘客

Chan Tim：其實的士司機都係好聲好氣講道理喞

Wing Ng：2個都唔啱，大家都唔識將心比心