是咁的，小弟鐘意左一個好fd嘅女仔朋友
識左都有4年，因為圈子成日都有活動所以都叫成日見到佢。間唔中我都會約出黎睇戲食飯

鐘意佢只係上年嘅事，之前一直都對佢有好感，但因為覺得佢唔會鐘意我所以冇乜行動過。

但問題來了。小弟因為dse炒撚左，黎緊10月頭就要去外國升學。呢三個月一直都好煩惱，諗緊應唔應該同佢表白，講我嘅心意出黎。其實講真我都知表白真係冇撚用，但求將我嘅心意話佢知，等自己唔好後悔。我同佢都未拍過拖，所以即使佢接受，我都要起碼半年先番黎一次，隔咁耐先見一次真係會好辛苦....

一方面我又怕冇左呢個好朋友，因為同佢實在太多開心嘅回憶，係大家失意嘅時候都會鼓勵對方，有咩都會一齊分擔下。佢可以話係我最重視嘅人(家人以外啦)。所以小弟係呢一刻都唔知點好