https://www.facebook.com/poonkc/posts/10152351583338450
做娛樂版多年，幾人渣的人我都見過，但呢個周X恆，我真係夠膽講，呢個係「渣中極品」！
明天的節目，我繼續無份，我一樣要鬧爆周X恆！枉你話自己係基督徒，你簡直失禮全世界基督徒！
今年三月中，我搭地鐵見到佢同嗰隻嘢一齊，喺車廂中一切，記者直角不會太錯，當時我已經覺得有問題，於是我故意走上前跟你們打招呼，好讓你們親暱的動作有所收歛。你當時對我話，你哋係好朋友，她是你的生意伙伴。
我天真地信了。
其後，我又在搭車的地方，見到你倆位面貼面，親暱如情侶，我就擔心你太太的情況......
原來，你太太已經知道第三者的存在，只係因為佢要湊女，根本無心情無時間理，而她也無意中透露，過去一年，你一直都有對她動粗，最嚴重一次，額頭、咀角和雙手都俾你打得又紅又腫......
記得你生日那天嗎？你故意發脾氣趕走你太太，然後跟那女人去鬼混，你會記得的！
還有，你曾經發誓，你已經戒毒，但過去兩年，你不單無戒，而且更變本加厲，今天，2014年的9月4日，你夠膽去驗尿嗎？你夠膽話你自己無嗎？
跟你更熟的那位記者朋友，不是沒有勸過你回頭嗎？你竟然恐嚇人家，要去接人收工？要對人點點點？你係人嗎？
你今日同記者講，話自己後悔，好掛住老婆！但點解你俾料記者，又只會只得一部份？唔俾埋人睇，唔俾埋人聽，你同人哋講過乜？
記得你打到你老婆爆嗰日嗎？你喺醫院求你老婆，唔好俾人知你打佢，你之前N咁多次話會改過，一定唔會再打啦，但你今次打到你老婆破相，即日下午你咪又係同嗰隻嘢一齊？
重有，你賴記者搞到你屋企咁，你唔諗下係你自己搞到咁？當日我見到你，我信咗你講，我都覺得自己低能咗！
明天，你或者會繼續做戲，哭求原諒，但因為你滿口謊話，你場戲，一定會被拆穿！