男單方面, 碧加、艾堡、張德培、伊雲尼斯域都殺入四強 , 冇撚錯, 唔同20年前, 家下係教練身份進入四強。



世界第一, 美網一冠三亞祖高域*(碧加), 將會對首次進身大滿貫四強嘅日本球手錦織圭(張德培)。兩大廣告牌對戰, 牌面牌底都係祖高域贏晒。錦織圭無疑打出前所未見高水準網球, 尤其連續打了兩場超過四小時馬拉松式賽事, 證明體能訓練有成, 但祖高域體能應該更勝一籌, 八強賽事亦係以體能壓倒梅利進級。





三十三歲費達拿(艾堡)老而不彌堅, 落後兩盆, 面對double match point, 居然連贏三盆, 反底成功。四強對手斯歷(伊雲尼斯域)平平無奇, 打入決賽機會甚高。








女單方面, 細威前三項大滿貫表現平平, 早早出局, 現力爭今年最後一項大滿貫, 亦係四人中唯一贏過大滿貫的球手, 缺點當然係老。



對手俄妹瑪卡露娃, 雖未贏過大滿貫, 但多次打入四強, 有力一戰



李娜退賽, 彭帥大突破頂上, 中國人繼續有得丁。



對手禾斯尼亞琪, 曾經保持世界排名第一長達六十七星期, 但冇贏任何大滿貫, 只曾一次打入決賽, 已經係09年美網, 遁迴賽亦極少贏出, 真正無冠王睇下係咪又終點前乏力。