http://youtu.be/b--93XvB_4Q

【恒Yu家暴之群起圍插】曾做味之天使「啤梨」的張韋怡，今年6月底突然在facebook（fb）宣佈懷孕5個月，烏龍媽咪已照得陀馬仔。本來安胎應該心平氣和，但她前日卻在fb數臭周永恒小三、港視小花劉依靜（Ruby），張韋怡貼出周永恒承認想跟老婆趙頌茹（阿Yu）及Ruby三人同床的新聞，並留言批評：「對R小姐都有幻想、性趣，周生你taste低過市井之徒！你完全污衊、糟蹋咗阿Yu！」
這一個帖得到逾500個like，張韋怡還爆料差點引狼入室：「R小姐曾上過我屋企幫手拍寵物專訪，最印象深刻佢竟然未經我同意，自己走咗入我房，摷我衣櫃拎我啲名牌手袋同首飾、衫，喺度拼，仲行嚟逐件問幾錢都仲未算，仲背住我想拎我當時同居男友電話，好彩俾當時男友即時拒絕，事後話我知叫我小心佢，如果唔係，可能當年我都成為受害者！手段一致，都係同女事主主動扮friend。」


■Ruby舊照流出，跟現在容貌完全不同。

變臉照紛流出

記者昨致電張韋怡，她說：「可能自己大肚，感覺好強，阿Yu仲生咗兩個好辛苦，我替佢不值，我?家都7個半月。」張韋怡指兩年多前朋友介紹認識Ruby，沒料到邀她到家中卻差點被撬牆腳：「佢冇問我就咁入我個衣帽間，好冇禮貌，又背住我問我當時男友攞電話，話要問股票嘢，佢個人好恐怖。」Ruby收風被唱衰，她前晚主動Whatsapp張韋怡解釋，張韋怡昨說：「有啲嘢唔使解釋，做人要對得住天地良心。」Ruby昨日繼續玩失蹤。
採訪：陳杰


■懷胎7個半月的張韋怡非常同情被家暴的阿Yu。