http://youtu.be/_u3axrBHjNk

薛凱琪一連兩場的「TONIGHT FIONA LIVE2014」前晚在紅館開騷，今次Fiona大玩性感，谷胸上陣又唱又跳，換了7套衫，喊足6次。對於開騷前有傳門票銷情不佳，一度要四折放售，Fiona說：「只係嗰個人冇時間睇，據我所知銷情冇問題，我冇講大話，因為唔夠位，所以攞埋我啲贈券請啲artist嚟睇，搞到我自己都要拎錢買飛請朋友睇！」
採訪：王連連


■薛凱琪前晚在演唱會上忽然谷出事業線，令人眼前一亮！攝影：仇志德

http://static.apple.nextmedia.com/images/apple-photos/apple/20140908/large/08ec4p2.jpg
【裸體舞衣】


【透視誘惑】

唱《大熱》向哥哥致敬

Fiona全晚一共換了7套舞衣登場，雖然Fiona的身材未算有睇頭，不過以銀色閃鑽bra top打底的Fiona，全晚配上不同的透視外衣，施展了不同的變幻球，其中一件粉紅透視長裙配鑽石bra top，忽然湧現的事業線令人驚嘆。Fiona全晚以清一色的女dancer上陣，其間不時大跳貼身舞，又趴地趷籮，更有舞蹈員擒上Fiona身上跳舞，認真火辣！為了向偶像張國榮致敬，Fiona戴上一把長長的假髮唱出《大熱》。


【台風跟足】

咀Wyman甜蜜蜜

與Fiona向來老友鬼鬼的Wyman擔任演出嘉賓，兩人十指緊扣合唱《甜蜜蜜》，Fiona笑說：「難得你做我嘉賓，畀我錫你一次！」接着嘴對嘴錫完後，便往後台換衫。Wyman在台上大爆有些歌手為了邀他填詞無所不用其極，他直言：「試過有人話儲齊我閃卡，希望我可以幫佢，我就諗，其實你要好歌詞，唔使去到呢個地步，畀心機唱搞好音樂，其實已好好！」




【喊咗6次】

方大同扮MJ撐女友

緋聞男友之一的方大同，前晚繼續不避嫌為Fiona擔任嘉賓，以MJ Look上陣的方大同勁跳Moonwalk未有獻唱，而台下不時有歌迷大叫方大同個名，搞到Fioan忍不住說：「你哋唔好任何時間都叫住方大同啦！」完騷後被問發展空間，Fioan說：「方大同會睇到報道，如我答會，可能佢開心；答唔會，佢可能唔開心。」




【鳥籠舞台】

「當然想祖名嚟」

上月在北京涉毒而被拘留的房祖名，至今事件仍未有進展，作為緋聞女友的Fiona，被追問有傳祖名媾女激嬲富二代而闖禍，Fiona說：「佢係我朋友當然想佢嚟，我真心想答大家，但喺呢件事上，我要尊重同事、公司，同尊重我愛錫嘅朋友，真係唔可以答太多。如大家幾年後再問我，我可以答啲畀你哋交差！」