【太陽報專訊】早前在書展「漏M」兼飛釘的模孫旗，昨日自稱曾跟張致恒（Steven）拍拖，又大爆兩人的性史，而Steven亦坦承曾與對方發生一夜情：「我認我衰鹹濕。」但自言已改過自新。
今年21歲的模孫旗（Keiko）為宣傳寫真集，不惜在書展上「漏M」，成為全城熱話。Keiko昨日再出新招，向本報大爆曾與Steven拍拖，提及與他的床上事迹，指他性技麻麻，事後更冷待她，戀情不了了之。
被擺上枱唔嬲
對於Keiko的指控，Steven受訪時大方承認：「我哋唔係拍拖，係一夜情。我認係做錯事，應該要承擔後果。」他稱事件在4、5年前發生，但早已忘記對方的名字，並強調沒跟她拍拖。對於被Keiko大爆性史，他說：「男人係有需要，我認我衰鹹濕。」對於被擺上枱宣傳，Steven卻不記恨：「我嗰陣24歲，成日做錯事，應該承擔番，唔可以怪人哋。」至於被Keiko指性能力差，他說：「是但啦！時間嘅嘢見仁見智。」並自言已改過自新，若跟Keiko同場雖仍會尷尬，但願意主動打招呼。
Keiko其後受訪，辯稱並非主動爆戀情，早在2009年已有報道指兩人拍拖：「我唔怕認，亦唔怕畀人知，係個男人小家。」對於Steven強調從沒跟她拍過拖，她繼續堅稱：「佢話係咪係囉！喺我角度我哋有拍拖。」她又稱兩人相識了一個月才發生關係：「嗰一個月期間，佢不斷同我講『我愛你』、『我掛住你』，又話佢同鍾舒漫嘅緋聞唔係真，係娛樂新聞炒作。」
遭冷待想自殺
Keiko稱Steven與她發生關係後開始冷淡：「我第一次同男仔發生親密關係，當時我得17歲。」她指事後Steven鮮有與她聯絡：「有次佢打畀我，話鍾舒漫睇到我哋嘅新聞發脾氣，要我打畀鍾舒漫解釋，因為我愛佢，所以打咗嗰個電話。」雖然狂插Steven，但她亦補充對方不是「快槍手」：「正常男人咁囉！」自覺被玩弄感情的她表示一度想自殺，幸得家人安慰才不致做傻事。
緋聞女友鍾舒漫透過電話訪問力撐Steven：「我都幾Proud Of佢，一路睇住佢成長，有呢啲新聞，錫佢嘅人一定會唔開心，過去咗就唔好講啦！佢好勇敢，知佢學緊做有承擔嘅男人。」
Profile
姓名：孫旗（Keiko）
年齡：21歲
身高：1米62
三圍：33C、24、32
入行經過：在社交網站上載大批性感照而被睇中做模，並推出寫真集。日前在書展宣傳寫真時，因白色短褲「見紅」兼飛釘而被封為「漏M模」。






http://hk.ent.yahoo.com/news/張致恒認one-night-stand-224506157.html