http://hk.apple.nextmedia.com/realtime/news/20140917/52910246

陶傑認為iPhone6及iPhone6 Plus手感各有千秋。

今早《蘋果》與市民在中環試用新iPhone，有人認為iPhone6 Plus「一隻手攞唔曬」，《蘋果》再移師至銅鑼灣時代廣場外，並請來才子陶傑試用新機。陶傑認為iPhone6及iPhone6 Plus手感各有千秋，iPhone6體積較小，「啱港女」，並指2款新手機不同大小「好似買胸圍，都有ABC Cup啦，揸上去要『吸手』，手指cover（覆蓋）晒所有部位」。

對於蘋果產品於全球皆受歡迎，陶傑指「所有亞洲人包括中國人天生個基因都係崇優，即係崇洋、即係戀美、即係戀西」，並認為「美國畀舊屎你食，裏面都好有營養，強國畀九大簋你都唔敢食啦！地溝油吖嘛！」

香港能夠成為第一輪預訂iPhone6及iPhone6 Plus的地區，陶傑表示「香港人第一時間用到美國貨就覺得真係自豪，覺得係第一級世界公民」，可以與加拿大及澳洲等「優等文明國家連線」；相反中國並不在首輪預訂的地區中，「覺得好淒涼」，並指中國需要為此反省，思考美國為何將中國遺棄，「會唔會係平時寸得滯？五毛黨鬧美國鬧得緊要」

當被問及會否購買iPhone6及iPhone6 Plus，陶傑指「以我嘅江湖定位，如果3日之內無人買咗送比我嘅，我會檢討吓，呢十年八載係咪浪費左我嘅人生囉」，並指自己手掌細，寄望收到體積較小的iPhone6已經足夠。