是咁的
話說今日我就去左旺角信和買真天魔冰火模型
一買完出黎就見到行人專用區有個毒撚係到喊緊,一睇就知係為情所困
我本住[同是天涯柒毒人]既精神,見佢咁慘,就諗住憑歌寄意
唱首歌仔安慰下佢
隨即,我就行去佢面前朗聲一曲:[哭泣聲 絕無意義~她不會扭轉分開 的心意]
歌聲一出,旁人紛紛拍掌,仲有幾個人對住我大叫End call
我聽到之後,即刻唔好意思咁r下個頭,盡顯我既謙虛性格
點知依個時候,個毒撚手上竟然出現左支無線mic,劈頭埋黎就一句:[可以笑的話 不會哭~]
之後仲補多句:[我唱得 不夠動人,你 別皺眉~]而且唱尾音個時仲對住我冷笑左一聲
屌!中計,原來依個係一個局黎!
首先個毒撚就扮可憐,然之後就吸引啲好心人過黎用歌黎安慰佢,再繼而發起勁歌Battle
可謂環環相扣,打人一個措手不及
而且一旦輸左,就要對方認佢做契爺
我眼前依個毒撚,絕對唔惹少,一定有好多契孫衰喺佢手上
面對依個卑鄙既老手,一般既歌唱技巧絕對係贏唔到佢,要贏!就要用奇著!
我轉個身,問班觀眾借左部ipad,click去youtube就播[今期流行]既背景音樂,並同時帶起一副墨鏡
數秒後,音樂一出,我就即刻舞起幾個困難既動作比個毒撚一個下馬威,再連同霹靂既舞步唱出句句澎湃既歌詞:[今期流行 就像感冒流行.....]
眾人紛紛沉醉喺我既歌舞之中久久不能醒來
而個毒撚就好明顯估唔到我有依一著,開始驚惶失措,唔知點算好
慌亂之下,佢就揀左秋官首[香港料理]黎應戰.但係就越唱越亂,越亂越錯
唔單止跳錯step,而且仲唱錯歌詞,將成首歌最標誌性既一句:[牛肉加葱花 要烏冬嗎?]個“烏冬“唱成“通粉“
到最後仲好似一開始咁喊起上黎
見到咁既情況,我都無謂再同佢再比落去
輕輕留低一句:[你仲未夠水準.]
然後就拎起我隻真天魔冰火模型,伴隨住眾人既歡呼聲,頭也不回咁離開左依個地方
就係咁,我就收左一位契孫
成功榮升做爺爺