先講講我背景先, 21歲女, 之前讀asso , 今年有Poly UGC既offer, 最近開始住Hall, 身邊既人都知我要搬, 所以都有人主動話幫我執野...

本來都係好事,但同時間有兩個人主動幫我既時候, 只會令我覺得好麻煩... 亦唔知我自己揀得岩唔岩...

兩位男主角既背景係咁既: (A君B君互相唔認識, 但佢地知對方既存在)
A君: Asso同系同學, 靚仔, 大我兩年, 有私家車, 屋企有d錢, 對我都幾好, 有d花心... 幾浪漫, 會有好多小驚喜比我... 車出車入

B君: 中學果陣識既朋友, 同我同年, 無車, 但夠細心溫柔, 正直 ... 讀緊UST year2... 雖然佢唔幽默, 但佢諗法成熟 , 講野一針見血 ... 同佢一齊相處好舒服

前兩日搬hall, A君B君知我入hall之後都話要幫我搬野... 我都有拒絕既,但佢地好堅持... 去到星期日晏就, 兩個都係屋企樓下等我 (A君係車入面, B君坐lobby)

一落到去下面, 淨係見到B君係度, 果時心入到抽左陣"涼氣", 覺得尷尬事唔洗發生... 但無幾耐就見到A君係車入面行出黎, 果時我極尷尬, 亦唔知點處理...

我知道呢一刻我一定要揀其中一個, 果刻我揀左B君... 比B君幫我拎住d野, 然後再同左A君講:"B君幫我就得架喇, 唔該晒" 然後佢就走左,B君果刻好開心咁摟左我一下，之後call easy van...雖然司機都有幫手搬野,但係果日真係好攰,但係搬哂之後,B君就好體貼咁幫我按摩,後尾我地就kiss,果晚就一齊左…

呢幾日我同幾個女仔fd講,個個都鬧我傻..明明有個有錢又靚仔既都唔揀...係我問題呀?定究竟係呢個社會變哂...不過到而家,我都係覺得我無揀錯... 到底係咪咁多女仔都係睇錢先?....

http://www.beautyexchange.com.hk/forum.php?mod=viewthread&tid=583918&extra=page=1