本基佬病左去唔到現場支持咁多位，落街食完飯係電視見到警察出動催淚彈就諗自己有咩做到

拎完錢之後仆左去一間民營既文具鋪
菊（上氣唔接下氣）「仲有無黃絲帶」
老闆娘（聽到我咁問幾開心）「賣曬啦，但係我地仲有黑」
之後去左第二間連鎖式有賣文具既書店
入到去賣文具個邊，見到一個著住校服既女學生同佢同學係度搵緊野代替黃絲帶聽日派比同學
既然佢地專登出埋校服出黎買，我無謂同佢地搶
我行出鋪頭外面，忍唔住流左馬尿
香港既學生實在令人太欣慰
之後行多兩間鋪頭都無再唔係關左
本基佬就返左屋企食藥訓，結果都係差唔多天光先訓到