４９０００食唔晒回吐

未有飛入場睇魚拉突留意！傑志總領隊伍健尋日爆料，獌已將手上小部分嘅590元同390元波飛退番畀賽會，傑志正同足總商討緊呢批球票嘅出售形式，想趕上「尾班車」入場欣賞１９０００獻技嘅球迷記得繼續留意本報報道。曼聯對傑志賽事於7月29日假大球場上演。

「傑獌戰」數月前喺香港掀起撲飛潮，依家獌突然將手中部分餘門票退回，絕對係對香港球迷嘅一大喜訊。伍健透露，目前正同足總討論以邊種形式將剩番嘅波飛再次推售，其中包括喺大球場售賣，但確實形式有待落實公布。至於另一個球迷關心問題，則係大球場嘅草地情況，經過前晚傾盆大雨及合共兩日嘅巴克萊亞洲錦標賽後，屆時草地能否以理想狀況迎接獌，伍健坦承只能望天打卦，依家唔會諗太多。

傑志同足總商討售票情況

１９０００會喺本周六下午抵港，據報佢地今次由到埗一刻開始將會展開連場密集式活動，伍健講笑話球迷如果同記者想跟足全程，即使分身「5件」都唔掂，最少起碼要「10件」先得。伍健仲畀貼士大家，由於獌向來都有自家保安團隊，如果「魚拉突」想埋身同偶像合照或攞簽名，千祈唔好太瘋狂，引起呢班保安團隊緊張情緒，反而用斯文低調方式試吓埋身，或者會有驚喜。

當講到「傑獌戰」，他又強調傑志到時絕對唔會死守，要踢番一貫嘅球隊風格，希望同獌鬥搶中場，逼到對手施展真功夫。同時佢強調今仗勝負根本唔重要，佢哋只視今場係備戰9月17日亞協盃嘅其中一課。反而隊長朱兆基就更有期望：「最好梗係我哋先入兩球，等佢哋落力追啦！我以前同傑斯交過手，佢依家將近40歲都仲咁踢得，真係好神奇，我好想再同佢交手跟佢學嘢，當然要同佢交換埋波衫啦！」至於早前喺上海集訓期間受傷嘅盧均宜，自言經針灸後傷勢進展良好，會方亦睇好佢可以趕及復出鬥獌。