一向係高登頭號女神嘅謝安琪（Kay），佢另一個網上綽號就唔多提啦，但係可以獲得「女神」之名，一啲都唔簡單！ 今日Kay喺微博分享咗幾張佢為HMV推出嘅免費雜誌《HMViss》拍封面，呢本雜誌打正旗號以音樂、電影、時裝於一身，所以阿Kay今次就以一身旗袍紅唇look拍硬照，甚有電影味道。







旗袍一向可以展示到女人嘅美好身段，換句說話，真係身材差啲都唔得，阿Kay今次就著住旗袍拍硬照，又晒白滑長腿，真係引死人! 有fans更話︰「畫美得不敢看」又大讚甚少見到阿Kay以呢類風格示人，謝安琪著旗袍，相信大家都應該未見過，難怪令唔少人眼前一亮!

呢本雜誌又要免費，加上阿Kay破天荒以緊身旗袍示人，各位有興趣嘅巴打真係要趕住去搶番本啦，話哂係「終極珍藏版」嘛！