Ming Chak Cowry Lai feeling hopeless

今日，不如講下最近大家突然認識既「俊和」。

「俊和」呢間公司對我黎講一Ｄ都唔陌生，我可以講「俊和」係我屋企成日家嘈屋閉既其中一個原因。

俊和係一個承建商，專接一Ｄ起樓同其他大型基建的。

我家父做泥頭車都超過３０年，泥頭車Ｏ係呢個行頭係自顧人士，有工開就有錢，無工開就無錢。家父一直都有同俊和車泥頭，如是者都幾十年。

但係俊和作為建築界的龍頭大阿哥，多年來都係欺壓像我家父呢Ｄ泥頭車司機同其他地盤人工。即係咁，做完野出糧係天經地義的事。

但俊和永遠都係拖數，因為佢知道地盤工人同泥頭車司機都唔識咩係合約同法律文件。

我由住利東村開始，我父母就因為俊和及其他承建商拖數問題，曾經試過戶口只得返千幾蚊。但家父做泥頭車司機，油費、隧道費一早就出哂，但運泥頭的錢就遲遲都未收到，令屋企資金經常短缺。

曾經試過有２０多萬的單拖足３年，試諗下，２０幾萬，３年可以做不同的投資，當年甚至可以買人民幣儲蓄。

也有試過拖到一個期限，叫你簽一份法律文件，話依家Ｄ錢要打個７　８折俾你，如果唔簽，就等多幾年啦咁。

關於追數，我地之前都有求過民建聯同工聯會，但佢地根本唔會理你，因為大家唔知有咩利益輸送。

相反，你可以話李卓人同李永達係咩政棍，你唔好理，總之佢幫到我屋企追過幾十萬數。

如果你問，東家唔打打西家囉。唔得，因為呢行行頭好窄，你唔跟從呢個被欺壓既制度，就轉行啦，但係，上一代人，工作流動性點會有呢一代人咁高丫。

俊和就是這樣的公司，所以你講佔中影響你？我屋企由細到大都俾呢Ｄ大公司大財團欺壓得喘不過氣。