吹到好行話今晚會大包圍
先唔好理係咪可以反包圍個大包圍
但係佔領區內既民眾好可能會俾人圍毆

如果各位應該因為各種原因要去MK
我只希望各位要記得一件事，就係唔好「亂」
唔好亂既意思係「應守則守，應退則退」

警犬要清場一定清到，唔解唔擺明清?
點解就算清都要等朝早最少人先清?
點解又要靠藍絲黎清?
佢地全副武裝 要解決你地有咩咁難?

因為警犬始終唔係公安 中共亦唔想俾外國傳媒全世界都知道
自己搞唔掂香港 要用番老共個套
所以20日黎咁多小動作 都係想激嬲你地
想你地會打番佢地又好 用傘扑佢地都好
佢地就有位入 可以拎番個輿論權 中央就可以擺明車明剷平你地

我知你地好屈委
但你諗下 就算你反擊都無用 政府唔會讓步
市民無籌碼對抗政府 唯一資本就係人數
如果你地變左暴民 仲有邊個撐你地?

你地就當博同情都好
警犬有小動作既，死守就夠
如果有真係全群而出，就好即刻散
旺角唔止得一條街
俾人拉左，就少一個人做野


各位要明白，民運唔會係一朝一夕既事
唔好有意氣之爭，要擺出當仁不讓，臨危不亂
咁樣我地身邊既人，下一代先會企係我地個邊