由一開始，示威者打著愛與和平既旗號，無論幾激進
都可以話係針對689本人，或者佢既統治團體
到佢出催淚彈，威信插水，佔領者先可以佔曬輿論上風，兩日內遍地開花

後來政府出左好多小動作
都係想抹黑示威者，但香港人今次真係夠IQ/EQ高
次次都可以反擊番轉頭，士氣仲有增無減

但係
無論黑社會，藍絲帶，反佔中，甚至警察
都係都可以入689數
都可以話係689既指示，而令佢地站係公義既對立面
最後，都可以入番曬689度

但係今次唔知點解
竟然出動到「無用」既禁制令
其實係人都知佔領係犯法
甚至都知道出到禁制又點，佔領者唔會走，就係唔會走
姐係，今次係「公義」對決「公義」
689可以話司法獨立，唔關佢事
而大家都知道，香港到今時今日都唔似強國
係因為衰極都仲有個司法制度
從第一日開始，689要清你地場根本話咁易
佢唔出面做，只係要攬住政府既面子，同想污名化示威者
禁制令一出，示威者當然可以唔走，亦可以死頂班警犬
但輿論就會變成「衝擊司法制度」「破壞司法制度」

兩股力量之間
無論邊個係「合時」既正義都好
如果真係衝突
最後都有一方會崩壞，而且會以極暴烈既方式



我知道叫大家走，係無用
但我亦希望大家明白，如果要堅持落去
就會有更大的代價，無論對司法制度，對香港都係

你話689呢?點解無人去怪佢?
姐係咁，你係良家婦女，去話一個搶左你老公既公廁淫賤，咁有咩意義?
人家擺明wei攔塊面同你玩，係搶你老公呀，你係搶唔返呀，吹咩
你再鬧落去，份份鐘俾人話番你轉頭


就係咁
希望各位可以理性，冷靜咁思考下依家既局勢
再決定自己既下一步既決定