是咁的
最近阿爸身體出左事, 健康檢查, 就睇到肺積水. 做埋ct scan之後, 放射科醫生(負責照+抽樣本)話有腫瘤, 就安排抽取樣本+抽水.
前日化驗結果出左黎, 證實係惡性腫瘤, 化驗數據同肺腺癌條件相符. 根據數據顯示, 個腫瘤就差唔多4cm3咁上下(每邊唔超過2cm), 咁個放射科醫生就話, 睇個size應該差唔多1-2期
之後佢轉介腫瘤科, 另一位醫生就直接宣佈係末期冇得救, 理據係個腫瘤係惡性+抽出既肺液亦都有癌細胞
咁屋企人梗接受唔到喇, 就諗住搵 2nd opinion睇下點先. 事實上睇過曬成份報告+CT scan報告, 一切數據正常, 除左一樣CEA比正常水平高2.2倍
點知未見第二個醫生, 屋企多數人似乎已經開始打定輸數, 開始聼D三姑六婆話乜乜優頓草有用, 就話想買返屋企俾阿爸食.
google左一下, 有幾篇文獻(ncbi度見到)係馬來西亞度出. 而且因為好似得果度生既效果好D, 所謂既成功病例亦都係嚮果度發生.
文獻話對NCL-H23(即係肺腺癌既細胞)有防止擴散+抑制腫瘤變大有效.

但我個人覺得, 未見第二個醫生, 咁快就自己宣判死刑咁開始藥石亂投係咪太過衝動? 另一個原因就因為D草如果係當地買其實唔算太貴. 雖然D人就話冇副作用啫(有個案例仲話打汁食左半個月直頭好曬添), 但我始終有顧慮話如果證實冇咁嚴重, 可以照正常現有醫療方式去醫番, 亂食呢D野會唔會對呢D療程有影響? 另外一樣野我唔係咁相信就係, 個個病例都係成功既, 咁失敗果D又有幾多呢?

雖然我知上膠登勿認真, 但都想巴絲表態下, 嚮呢個唔係咁明朗既情況之下(我仲未去到絕望既地步)係咪應該讓病人去試下呢D所謂既民間偏方呢
支持 = 正皮
反對 = 負皮
多謝曬