保皇黨天天高喊佔中影響旅遊業，卻捉蟲收場。旅遊界姚思榮早前喺立法會經濟事務委員會上大呻佔中影響旅遊業，希望政府同業界交流，睇吓點支援。貴為已倒閉嘅「格林威治大學」博士生民建聯葛珮帆隨即和應，話聽到好多旅行社話旅客「少咗好多」，要求政府提供有關數字，睇吓佔中點樣嚇退旅客。
殊不知，數字真係會說話。政府噚日順應保皇黨提交文件，原來由9月29日佔中爆發第二日至上周四，一共18日，訪港旅客數字比去年同期勁升11%。強國旅客更勁升近16%。葛珮帆?爆收場，噚日仲死撐話自己當時係「喺坊間、喺報章」聽聞旅客數字少咗，強調即使官方數字旅客數字上升，都仲未能夠令佢放心：「雖然旅客數字多咗，但都唔代表生意好咗。」

http://s.appledaily.com/apple/a.php?i=20141022&sec_id=4104&s=0&a=18908440