我諗絕大部分人都佔唔到雨革會頂到一個月
仲要有辦法搞到政府措手無策
連最基本既清場都做唔到
今次港豬都可以話係脫胎換骨

但同時間，雨革既目標始終都太遙不可及
唔可以能係霸幾條路，唱下生日歌，打下debate就可以做到

所以今次既雨革，其實真係只係一個爆發點
而唔係「最後一戰」，無錯，政府出左好多招，已經無招可出
但香港人面對既係香港政府咩？
當然唔係，而係中共
而中共到左依家，其實係一招都無出過

無人知中共打緊咩算盤
係真係咁信689，定只係自己內亂緊唔得閒理你
但就好似打rpg，你係咁放技，個boss都無扣到一滴血
你就知道唔係你能力有問題，而係時侯未到未觸發劇情

所以香港人眼光要更長遠
係依一個月入面，後生仔真係精英盡出
將十幾廿年抑壓既訴求，創意，組織能力曬冷
新一代既核心價值已成形
中共再落幾多錢去國教洗腦，都已經番唔到轉頭
中港矛盾亦已經完全斷裂

香港人只會繼續向前行
而中共亦只會繼續用辦法打壓香港人
唔好為雨革既消磨而失望
但香港仲有一戰，而下一戰將會更慘烈，敵人仲會更強
請香港繼續團結。