老老實實，
我覺得會真真正正最討厭佔中/佔領運動嘅人
根本就唔係藍絲帶嗰派
真正嘅反佔中應該係「老百姓」心態，唔會想參與哩D事，亦都唔鍾意人地參與，不論正反方

藍絲嘅陣營，
有D係唔知事情始末被禮義廉帶去嘅
有D係請去嘅
有D係使途行者過去膠化嘅
真心明白事情嘅藍絲，我相信應該唔多，更加唔會係主流

我覺得其實藍絲本來就冇民意基礎嘅
根本唔需要花太多精力去整咁多改圖改文嚟玩佢地
唔需要太刻意去突顯佢地嘅愚昧同冇料
因為，沉默嘅人唔會因此而不支持藍絲，反正從來冇支持過

「惡搞」一向都唔係主流價值
玩得太多恐怕會失民心，覺得我地好無聊
另外，亦擔心個運動會變得「好好笑，好好玩」
抗爭運動似乎唔應該係哩個氣氛...