http://hk.apple.nextmedia.com/enews/realtime/20130728/51596382

音樂會準時結束，但就激起不少樂迷反感，指硬cut蕭敬騰五首歌太離譜，亦有大批觀眾投訴大會安排超失敗。有網民總結咗20點:入場：
1. 過了開場時間還遲遲不放人入場 (不是因分批而慢，是不肯放人入場)
2. 大量觀眾未入場就開show
3. 沒分流，坐位企位到最後的閘才分
4. 保安無能兼無禮
5. 沿路毫無banner指示
6. 工作人員內部沒溝通，指示混亂 (令很多觀眾被誤導，被其他觀眾誤會是插隊)
7. check bag同貼手帶人手不足，手腳慢態度差(當然以上也是因果關係)，做成嚴重瓶頸

食品：
8. 被迫購買價錢不合理的食品飲品
9. 購買過程繁複。coupon和各種食品要排不同隊伍。
10. 排隊區完全無工作人員協助
11. 隊尾沒人指示，很多人不知道自己在排甚麼，甚至排很久才知道排錯。
12. coupon金額太大，用不完變廢紙，形同軍票。
13. 人手和攤檔不足，又要現做現賣，耗時太長，平均一種食物需排1-2小時 (最慢應該是蚵仔煎蔥抓餅)

表演：
14. 主持水平低，讀稿像唸書，不能帶動氣氛。
15. 過場時間太長；
16. 各嘉賓表達時間不平均，壓軸兩位被cut得太短。
17. 電視場及部分位置音響差

其他：
18. 無人維持秩序，$580霸佔$780位置。
19. 垃圾桶和廁所都不夠，更沒得洗手
20. 離場出口只有一個，又冇指示。


係咪好清晰呢？睇埋其他網民心聲:

1.遲遲未能入場:號稱三點半入得場，但等到四點四十五分，已經開騷了，仍未能入場。

網民意見:「又熱又下雨，中暑啦！唔明企位都不用安排什麼東西，也要等，主辦單位什麼搞的！」、「超差呀，由排隊至入埸要兩個鐘，冇明確指示一大堆人打尖又吾理，好混亂！」、「足足等咗3小時才可正式看show，一行人已經早在4點排隊入場，以後不會再參加。入場1個鐘，買食物票用1個鐘排隊，等食物又一個鐘，有乜資格搞收費演唱會？！去10月個銀礦灣沙灘音樂節好好多！」

2.安排混亂:其實都係因為安排亂，所以遲入場，而且有觀眾質疑買貴飛者可獲特別優惠，唔使排隊。280企位排咗45分鐘隊，完全冇郁過，反而座位嘅就有一條闊路俾佢哋行入去。而且開騷後又冇足夠人手維持秩序，任由擔晒遮嘅觀眾走到台前，遮擋視線。

網民意見:「我們按指示排隊一個小時，突然間有一批人是沒有排隊
就這樣走到馬路口，以清馬路為由，讓他們進場，為什麼不是到隊尾呢？」、「沒有人在維持秩序，任由其他人從後走到台前~」、「我想講... 中學生搞活動都唔會安排咁亂囉」、「有咩理由我地買$780嘅俾$580嘅人跑曬上台前影相！又要製造混亂，撩事熱鬧」

3.壓軸cut歌驚超時:因為陳綺貞出場前已開始落雨，搭臨時帳篷又冇咗半個鐘，不過大會未有及時處理安排之後演出歌手分別cut歌就番時間唔會over run，而係一口氣將蕭正騰十首歌cut淨五首。

網民意見:「回水啦！敬騰唱得20分鐘！啲嘢食有等於冇，有錢都買唔到。」、「貼錢買難受」、「每次都要等15-20分鐘先有下一個歌手！不停播廣告！我哋整晚有成個幾鐘是望電視廣告……」、「爛爆!!遲左成2個鐘先入到場，開頭已經睇唔到，最後仲要唔夠時間比蕭敬騰唱!!有冇攪錯呀!!!回水啦!!」

4.場地爛:同大球場一場，爛地，遇著滂沱大雨又冇應變措施，小食店又唔夠，但大會又遲俾人入場、兼夾唔俾凊內先入場，唔俾帶水帶食物入場，結果一條香腸賣廿蚊但排個幾鐘都買唔到，甚至有人排到要急救。

網民意見:「最好笑買企位的，見到有幾個盛滿椅子的鐵籠，所有人一齊搶椅子，我就在旁看著，真是太醜陋。這些是香港人還是甚麼人？」、「不知怎樣，在沒有下雨的情況下，安排出埸歌手，遲了一小時！也時最大雨的時候！結論只有六個字: 有今生沒來世! (怒)」、「成晚淨係記得排左好耐隊同又渴又餓，我係來享受音樂唔係來買難受！」、「安排好差！又唔帶嘢食同帶水，但買嘢食=買難受」

不少網民得出一個結論：就係冇下次。
今次主辦單係台灣嘅「友善的狗」文化活動股份有限公司，但暫未有官方回應。