行飛鵝山，其實唔難！

雖然爾家已經睼唔到「我要真普選」直幡，但本來已經出名忌自殺崖，再添意義

九龍山脈主峰飛鵝山，前稱九龍嶺，英文叫 Kowloon Peak。雙峰結構，各高603米及602米，山頂有電訊發射塔，傲視九龍半島同埋港島北岸。登飛鵝山主要有四路，東南西北向一條︰

東脊︰蠔涌百花林起步，主要以梯級為主，係主流登山路線
南脊︰行山界叫「崎嶇高危」，茶寮坳，即清水灣道一號係登山口，早段分兩路，地下書有「崎嶇高危」（爾家變得唔明顯），意指一條崎嶇，一條高危，前者唔多明顯，後者明顯得多，但只適宜有經驗忌行山友。當日去睼直幡忌人，好多都係經呢條路上去，又或者起山登落蒞
西脊︰札山道起步，路徑明顯但多碎石，長且吃力；行山界叫倚天脊
北脊︰所謂北脊，其實係由大老山伸延過蒞忌一條山脊，經東山同象山，登山口位於飛鵝山道，落差最少，亦算易行

今日開始，天氣轉涼，雖然空氣尚且污染，有機會可以試下上山，重可以睼到啟德發展區同埋安見證達臣石礦場變成公屋區添！

Credit︰https://www.facebook.com/msgfreedoufufa