話說今朝我就如常搭巴士返工
而我就因為習慣左坐上層所以就諗住行梯上去
點知個仆街司機就趕住投胎
連門都未山實就踩油
我一時失平衡,成個人順住梯級碌左出車外
本來諗住個司機見到我碌左出去就會停車問我有無事
點知個司機一見我喺出面
即刻將個油門一腳踩到底,用原先三倍既速度撇低我
屌!老虎唔發威你當我病貓?
我即刻將我既體位轉換成零風阻形態縮成一個波
再計算好路面既弧度同借助碌落車時既慣性作用力
將我碌既速度同車既速度拉至水平線
係依個速度相稱既情況之下
要贏,唯有靠彩數
果然,皇天不負有心人
過左5分鐘之後,終於遇到個燈位,而且仲要係紅色
勝負已分,我即刻伸出雙手磨地慢慢減速,
但估都估唔到既係,個司機為左贏,竟然連紅燈都照衝
以我依家既速度,要追上佢係完全無可能
正當我想喊既時候
後面突然傳黎一把聲音[我黎幫你!]
另轉頭一望,只見有架貨櫃車以時間200公里撞埋黎
[踫!]一聲,幾千公斤既反作用力即時化為我既衝擊力
一瞬間就追上架車,撞爆架巴士個車尾,再用餘力夾生拖個司機出黎
乘客們紛紛鼓掌大讚好功夫
我一一點頭微笑回應
最後,我伴隨住熱烈既掌聲慢慢咁拖住個司機去暗角教訓教訓,完