是咁的
眼見港元不停貶值
金價又不斷上升
所以就諗住入返啲金黎擺屋企
心動不如行動
我即刻就飛的到金鐘揀左間叫周六褔既金鋪睇金
一入金鋪,我就即刻吩咐左個唔男唔女既sales幫我拎幾條全店最大既金條黎
等左幾分鐘
個sales就將幾條金條放喺我面前
一眼望落去,色澤光鮮,剪裁優美,絕對係上等貨
之不過我份人生性多疑,點都要用我掤牙咬咬塊金先心安
但唔咬由至可,一咬就把撚火
成舊金比我咬開左一半,
你老味瑞士連朱古力當金賣?!
我當堂大叫一聲[恰鳩我?]然後一記穿心腿踢落個sales到
[格格格]!我右腳腳骨應聲斷裂
望一望咩事,先知道原來個sales將本來要賣比我既金溶左做一件金甲再著上身
咁撚陰濕?
依個時候,另一個sales喺側邊個箱到快手快腳咁拎左件另一件金甲出黎
邊著邊講:[恰我細佬?]
然後就一招鳳凰天翔車落我到
由於事出突然,我躲避不及,被擊中倒地
不過好彩我都食個下夜粥,即刻一招鯉魚翻身再對住個sales將啲夜粥嘔到佢一面屁
再襯佢忙於清理既時候施展蜈蚣彈,用左腳彈離現場
點知一彈到門口,就有條鎖鍊疾射過黎回過神個時,先知道我已經比人五花大綁
個綁法仲令我感到陣陣羞恥感
但重點唔係依到,而係我比人拖左落地庫,掛左係幅場到
依到鋪滿哂蠟燭,則邊啲架仲掛滿左長鞭,圓頭短木棒等等既刑具
我唔知之後會發生咩事,但相信我都凶多吉少
依家我唯有襯佢地未收鋪之前用個頭對住幅牆打摩斯密碼,希望有人可以收到我既信息再釋成中文spread出去
[金鐘依家好危險,千其唔好過去]