【on.cc東網專訊】 在網上流傳一段聲稱是支持佔中的警員爆料，指警方將會以小隊型式行動，「打游擊」的方式清場，主要以警棍驅趕佔領人士。這名「黃絲差佬」又聲稱，自己「身在曹營心在漢」，佔領呢場運動一完就會辭職。

「黃絲差佬」爆料全文如下：
「我係一個黃絲差佬，守中區。網上好多人傳黎緊呢兩星期會清場。的確，實際日子我唔講得，一講就會黃。但希望下面既資訊可以幫到呢場運動。
其實特首上京之前，我地已經清楚晒所有佔領區內部既架構同弱點，預計用兩更時間就會完成清場。尤其因為上次催淚彈一役令我地內部士氣低落，今次應該會硬清場同打遊擊，所以請大家小心（即係主力用棍同不停拉人，以小隊型式行動）。

仲有，出龍和道個班所謂網民/蒙面人，其實入邊係有我地既同事。一來我地想測試自己人回防要幾耐，二來我地想知佔領既市民對於『主動出擊行動』既反應。我地都留意到你地有人係金鐘不滿講台既人，其實無指揮對我地行動更加有利，同埋我地已經target 左一堆經常上台既suspect，所以無咩所謂。
可以講既就係咁多，清場日子仍然得好少人知，我一講就會暴露身分。身在曹營心在漢，呢場運動一完我就會辭職。我唔知我地團隊有無所謂『黑警』，但只少我唔係！香港人加油！」