由928之後第一晚我就在場
斷斷續續到依家
我要返工 但禮拜六日都會做義工幫下手
我亦無定係邊個圈子入面
邊度需要人就去邊到
見到金鐘依家咁 其實真係唔知點
做糾察個班既人我識 想"拆大台"個班我都識

佢地俾我既感覺只有一種
就係大家都放唔低自己既"善意"
其實無論大台定係想拆大台
講來講去都係為香港好 想為香港做番D野
只係大家既著眼點唔同
有人覺得要有一個中央既組織 先可以做到野 先可以說服到人
亦有人覺得既然係爭取自由 就唔可以有中心 邊個都可以自由行動
但實際行政既野唔係兩個極端 係要因事制宜

金鐘既情況界於和平同"革命"之間
姐係理應要衝 但實際上又唔可以亂衝
先至搞成咁

另外 香港人又好奇怪
無論咩情況都唔可以俾人"大"
你大我 我就要大番你
唔可以認衰仔
依家個亦係上一代老屎忽留落黎既劣根

依家金鐘已經過左和解既時機
輿論亦轉向 我直頭期待正苦可以暴力D清場
面對同一敵人 大家先可以團結

周永康雖然係高材生 但始終仲細
唔識控制下面班人 依個社會有好多人
得到少少權力 就真係會澎漲 會交結圈子
到最後連領導者都清除唔到(因為一清就會俾人話獨裁/影響士氣)

香港最缺乏既唔係熱血
熱血 理性 和平 組織已有
就差左政治智慧同氣度
無左依兩樣野 民主之路起碼仲有2,30年行

1999 唉 香港人共勉之