GPhone：你要清場咪抬走我，鍊我春袋，好好玩咩？

黃之鋒：攻擊人哋下體係警察應有做法？

學民思潮召集人黃之鋒憶述，他昨日被捕時被十名警員拖出去，其間有警員有所動作，拳打腳踢，又攻擊其下體，「粗俗啲講句畀人「鍊」春袋六七下，我覺得好恐怖一樣嘢，你要清場咪抬走我，「鍊」我春袋，好好玩咩？攻擊人哋下體係警察應有做法？」

繼兩個月前重奪公民廣場後，黃之鋒再一次被捕，也再一次時丟失眼鏡、波鞋，手機再被扣查。

他指出，法庭保釋他的禁足令面積，遠遠大於禁制令的範圍，是相當不合理，「警察拆鐵馬，我無阻你，你小紅帽拆鐵馬，我都只係問問題。問你兩句問題，不單被拉，仲要之後兩個月不能踏足旺角。去到一月十四日再提堂。我真係對警察、法庭非常失望。」

黃之鋒提到，今日他步出法庭，即被雞蛋襲擊，是很明顯有組織之策動，「縱使有幾多雞蛋，幾多指罵，幾多電話喺網上流傳，我嘅地址被公開都好，我依然會喺雨傘運動與大家並肩作戰。」