我嚴重警告大家千其千其唔好睇小圓,
唔好接觸小圓既任何野，否則會後悔莫及.....

想當年我未接觸魔法少女小圓 呢套動畫之前，仲係一個大好既青年

小圓出果時，我個毒撚FD日日都話好睇，好有深度，睇到中哂毒，上哂癮咁，
同我講親野都同小圓有關。
日日係咁煩我話叫我快D追，話真係好好睇，睇左一定戒唔甩。
我緊係叫佢咪咁毒啦,仲罵佢冇得救，終日沉迷係虛假既二次元世界

就係HKTV開台果一排，日日係屋企無無聊聊
突然見到 個毒撚FD 成日叫我睇既「魔法少女小圓」
我心諗係咪真係咁勁呀，睇到我個FD變成毒撚,搞到我有D好奇
只有意志力唔堅定既人先會比呢D野迷惑住
就算真係咁好睇，睇到我上癮，中毒都好，以我既意志力，一定戒得甩。

於是，我就係HKTV 開左「魔法少女小圓」 呢套動畫黎睇。
同時，我開始踏上左一條不歸路..........

睇左第一集之後，我心諗:做乜鳩
我即刻開whatsapp串鳩個毒撚FD講反話,話好撚有深度啊
但個毒撚FD只係回左個冷笑既ICON比我

但因為無聊到極既關係，一集一集咁睇落去
終於睇完第三集，果刻我呆左，
心諗:「這就是魔法少女動畫嗎？」
我開始有D明白個毒撚FD 既心境了

於是，我一路睇呀睇，追呀追，
睇完一又一集，冇想停既意欲。
我知我已經開始上癮了...........
每睇完一集，我個內心又動搖左D。
到後期變「圓神」,
我崩潰了
果種真擎既感情，又充滿詛咒的命運..............
「魔法少女啊.........！！！」
我心諗我學生時期究竟係度做過D乜黎！！！！？？？？

直至睇哂成套，我心情久久不能平復，我覺得小圓既入面既角色都係我身邊，
發夢都見到小圓既既角色，曉美焰 ,小圓 ,沙耶香 ,杏子 ,麻美 ,仁美
成日幻想佢地為左救我，係結界打魔女

係呢個時候，我已經中左毒了
日日都要抽幾集小圓黎睇，緩和下我既毒癮
睇緊果時，仲會對住個MON同佢地講野
即使我知道呢一切都係假,但我都冇辦法戒甩呢個毒癮
我諗我仲癲過我個毒撚FD
雖然有幾次我決心戒甩，但意志力係小圓面前係冇用的。
我怪錯你啦，我既毒撚FD


最後，再一次奉勸大家，唔好因為好奇心而去睇小圓，
千其唔好睇小圓