5大北韓國民美女相集 金正恩老婆當年好清純
作者 Reika | GameoverHK
https://hk.lifestyle.yahoo.com/5大北韓國民美女相集-金正恩老婆當年好清純-231153461.html

可能金正恩本身個樣太有喜劇感，每次都自不然比佢吸引住，反而無留意到原來佢身邊有個靚老婆，上網見倒呢位第一夫人李雪主(리설주)後生時嘅相，原來好清純好靚女，仲做過北韓嘅啦啦隊，圖中戴紅帽嗰位就係佢嘞。只可惜，結婚後嘅佢越佢嚟越似金正恩‥‥‥另外仲有幾個被譽為北韓國民級美女，有啲可能之前喺網上見過，有啲而家老過我哋媽咪，例如有北韓金泰希、朝鲜第一美女趙明愛、北韓校花鄭美香等，入嚟有得慢慢睇，全部純天然(應該係)。



1. 李雪主 (리설주)
北韓領導人金正恩老婆，想當年係啦啦隊隊員，亦係古典音樂團樂手。可惜結婚後越嚟越老土，仲發埋福。






2. 北韓金泰希
南韓嘅金泰希被譽為第一美女，唔止樣靚，成績仲科料一百分勁到爆燈。因為樣貌似金泰希，亦被網民瘋狂起底。 睇真個樣的確幾似，不過命運就大不同，亦無Rain做男朋友。





3. 趙明愛 (조명애)
呢位好多人都識，被金正日封為南北韓「統一之花」，畢業於平壤音樂舞蹈大學，2002年首爾舉行815民族統一大會時，趙明愛以北韓旗手團成員身分參加，因為外貌出眾受到各界矚目。之後同李孝利一齊幫Samsung拍廣告，仲演過南北合拍嘅電視劇《死六臣》。







4. 鄭美香 (정미향)
當年被稱為北韓最靚校花嘅鄭美香，身為啦啦隊隊長，經常率領北韓啦啦隊出席大小活動，而且出名夠落力活力充沛。





5. 金玉姬 (김옥희)
被形容為軍中之花，係北韓人民軍藝術團嘅舞蹈演員，呢個團出名靚女多。不過最搞笑係有網民發現網上流傳嘅相，原來係日本模特兒中島麻亞梨。