首先，呢個唔係分身，因為我已經無晒ISP再開ACC

只係我拜託朋友幫我貼上來

不過佢幫完我，佢個ACC都玩完，係呢度，多謝你先



今次成件事，完全係我一個人錯

大家要鬧、要屌、要恥笑、要祭旗

請剩係搞我一個好

唔好再搞絲打佢


因為成件事係我完全由一個人引起

係我唔經大腦係膠登騷擾絲打

係我一直煩住佢

根本完全唔關佢事

佢係成件事入面最大O既受害者

如果你地連一個受害者都唔放過

你地仲有無人性？


我自爆係一時衝動

我本身只係想決絕D咁離去

無想過會搞到咁大件事

我認我係ON9

如果我知道件事會搞到咁大

我一定唔會咁做

不過唔發生都發生左

我只可以向各位就著我ON9而引響到大家呢個行為

鄭重道歉


容許我都講少少心聲

昨晚我走左之後

直到今朝我都不停睇住膠登

我真係好傷心

自問由第一日做膠登會員

一直不遺餘力咁去幫手搞個FORUM

亦係講故台幫過好多巴打推POST 打氣

我真係放晒成份心落去

當你地係兄弟

但係只係一件事

你地已經可以當成一個比任何5毛更賤的會員

而且有D會員仲一直狙擊我

當見到我支持過O既巴打

不遺餘力去數我的時候

我真係好心灰


上膠登勿認真

我就係太認真了

所以我今次真係受到好大的傷害

當我罪有應得

你地以後要繼續屌 繼續搞

搞我一個好啦

希望你地放過最大受害人 絲打佢


我唔會再上膠登

花生友鍾意食花生

我唔介意

我知我亦令某D兄弟好失望

你地屌我果D係屌得岩

我無話可說

亦覺得對你地唔住

但係有一D人

一個朝早仲係兄弟相稱

到夜晚就不停係我背脊插刀O既人

多謝你

你教識我原來人性可以咁黑暗


如果大家覺得我罪不至死

我希望大家可以凋淡件事

等膠登繼續上路

如果大家仲係好想屌

咁請屌我一個啦

我無其他野講啦

再見



最後

絲打

係我害左你

對唔住