高登定膠登？唔知讀者係咪同八方一樣，有時都會搞錯？話說八方噚日寫，高登巴打幫田少製作咗《田少良知》嘅MV，田少都大讚好得意會留念，但實情製作MV嘅係膠登，而非高登，八方真係要就有眼不識膠登say sorry。

有膠登音樂台成員同八方講，查實佢哋叫膠登，唔係因為要抽高登水，只係因為高登網行政總裁林祖舜遏制言論，所以有人就開咗另一個新論壇膠登，接收一班唔想屈服喺高登論壇嘅人。

八方都發現，膠登音樂台都好多二次創作，好鬼貼近大時代；問到稍後有乜大作發表？查實都唔使八方多講，只要大家拭目以待，膠登仔都肯定唔會令大家失望。