公司入左個新同事
女仔黎 高學歷
有幾分姿色 個人又入世未深
成班老屎忽即刻圍埋去
終於近日開始同其中一條友好曖昧

大家都知 但大家都唔出聲
因為大家都知條友算不上仆街 但絕對唔係好人
但個女仔唔知, 唔覺 仲好開心 因為有個"前輩"肯照顧自己

因為唔係大公司 圈子入面每個諗咩有咩異動
大家其實都心知肚明
我知好多人都想出聲
但溝囡姐 天經地義 又唔想害兄弟情
我依種唔算係老屎忽既
就更加無聲出

唔知點解 個心就硬係好唔舒服
好似見住個女仔跳入井 但又阻止唔到 唉......