http://hk.apple.nextmedia.com/enews/realtime/20150208/53416405

汪峰呢位準新郎歌，依家就幸福啦，成功向國際級章子怡求婚成功。喺佢巳嘅一眾ex眼中，汪峰係一個負心人；而喺一眾網民心目中，佢就係一個……都幾悲劇的人。唔係佢際遇悲慘，而係佢每次有機會藉女友章子怡成功爭取上頭條之際，每次，都係大嚿肉明明在嘴唇邊，卻硬生生遭搶走。

第一次，就係2013年9月，汪峰喺微博暗示已同妻子喬丹離婚，話晒汪峰都係著名歌手，以為一定可以上頭條，點知撞正王菲同日宣佈同李亞鵬離婚。

第二次，同年11月10日，汪峰喺上海演唱會上獻唱《我是如此愛你》之前，深情獨白長達7分鐘，疑似台下嘅章子怡表白。當時的確係好多人share——當時汪峰話:「我想像有一天，我們可以像正常人那樣拉著手，在街上購物、散步，沐浴著陽光。。(下略)我想像有一天早上醒來你我看到的頭版頭條不再是我們躲避著與我們生命無關的那些窺探者的消息，而是愛與寬容……」、「我要讓你成為世界上最幸福的女人，不是因為這一生積累的名望、地位與財富，而僅僅因為我默默恒久的愛！」以為一定上頭條？點知遇上恒大奪冠。有內地傳媒好幽默咁話:「除了汪峰，大家都在說恒大。」

第三次，汪峰出新歌，吳奇隆同劉詩詩同佈戀情，仲有劉愷威、楊冪婚訊。

第四次：登蒼山慘敗王力宏、李雲迪驚爆疑似斷背情。

第五次：發新專輯慘敗嫦娥三號發射、張藝謀承認超生。

第六次：呢個絕對不好笑，但也是正巧……舉辦全球巡迴演唱會，恰逢馬航MH370失蹤。

今次，汪峰應該順利上到頭條吧？